Klinton fiton garën në radhët e demokratëve në Nevada, ndërsa biznesmeni Trump në Karolinën Jugore, triumf ky që ka sjellë pezullimin e garës presidenciale të rivalit të tij në radhët e republikanëve Xhep Bush. Ky i fundit, i renditur i katërti në këtë proces me vetëm 7.84%, tha se respekton vullnetin e qytetarëve amerikane.
“Votuesit e Iowas, New Hampshire dhe Karolinës së Jugut kanë thënë fjalën e tyre, të cilën unë e respektoj shumë, për këtë arsye unë po pezulloj garën time në zgjedhjet presidenciale”.
Rezultatin e dobët të Bush në këtë proces analistët e komentojnë dhe me përfshirjen e Xhorxh Bush dhe familjarëve në garë. Sa i takon rezultateve, Trump kryesoi bindshëm me 32.5% të votave në Karolinën e Jugut, pas tij u rendit Marko Rubio dhe Ted Kruz me rreth me 10 pikë më pak. Në kampin tjetër, Hillari Klinton fiton me një diference te ngushtë ndaj 52.5% përballë Berni Sanders me 47.4% të votave .
