Klenis Kazazaj, 30 vjeç, i shpallur në kërkim prej korrikut të vitit 2023 është arrestuar nga policia e Durrësit.
Kazazaj, më datë 30 korrik 2023, pas një konflikti të çastit për motive të dobëta, ka tentuar të vrasë me armë zjarri shtetasin O. B., 34 vjeç, banues në Fier, i cili mbeti i plagosur.
Gjykata e Shkallës së Parë e Juridiksionit të Përgjithshëm Fier, me vendimin e datës 04.08.2023, i kishte caktuar masën e sigurisë “Arrest në burg”, për veprat penale ”Vrasja me dashje”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”.
Kazazaj u lokalizua në lagjen nr. 13, Durrës dhe u vu në pranga në kuadër të operacionit policor “Distanca”./vizionplus.tv
