Një grup emigrantësh nga kontigjenti prej 40 personash, të cilët mberritin me anijen marines Italiane Libra dhe u vendosën të premten në kampin e Gjadrit, kanë tentuar të kryejnë veprime të dhunshme brenda kësaj strukture.
Si pasojë e këtij incidenti, autoritetet italiane dhe shqiptare kanë reaguar menjëherë duke shtuar masat e sigurisë në kamp.
Burime zyrtare bëjnë me dije se disa prej personave të përfshirë në incident janë vendosur në izolim dhe po mbahen nën monitorim të rreptë.
Strukturat përkatëse po hetojnë shkaqet dhe rrethanat e kësaj ngjarjeje, ndërsa theksohet se situata aktualisht është nën kontroll dhe nuk është cenuar siguria brenda kesaj strukture.
Grupi prej 40 emigrantësh me urdhër dëbimi nga Italia përsona problematik dhe preçedent penale mbërritën me pranga në duar në kampin e Gjadrit më 11 prill.
Në bazë të një dekreti të qeverisë Meloni, Gjadri do të përdoret edhe për ndalimin e emigrantëve që presin dëbimin dhe që nuk kanë më të drejtë për azil.
Afati maksimal i qëndrimit në qendrën e Gjadrit do të jetë 18 muaj, derisa vendet e tyre të origjinës të pranojnë kthimin e tyre.
Fillimisht, kampi i Gjadrit ishte konceptuar për të strehuar përkohësisht azilkërkuesit e shpëtuar në det nga anijet italiane, për një periudhë deri në 28 ditë.
Por me dekretin e ri, ajo do të shërbejë edhe si qendër ndalimi për emigrantët që nuk kanë më të drejtë azili dhe janë në pritje të kthimit në vendet e tyre.Ky është kontigjenti i katert i emigranteve që mbërrijnë në shqipëri përmes portit të Shëngjinit.
Në tre rastet e para emigrantet azilkerkues të kapur në det u rikthyen në Itali, pasi ndalimi i tyre u konsiderua i paligjshem nga Gjykatat Italiane, duke detyruar Qeverinë Meloni që të miratoi një dekret të ri që kampi i Gjadrit në të cilin janë investuar miliona euro të bëhet funksional.
