Qytetarët serbë në Zubin Potok janë shpërndarë duke përfunduar protestën për ditën e sotme.
Ato ishin vendosur që në mëngjes përpara objektit të komunës duke protestuar kundër ushtrimit të detyrës së kreut të zgjedhur në atë godinë.
Nga ana tjetër, në Leposaviç dhe Zveçan vijojnë protestat, ku në këtë të fundit situata paraqitet më e tensionuar.
Serbët vijojnë protestat e tyre që nga data 26 maj, që përkon me hyrjen në godinat komunale të krerëve të zgjedhur nën shoqërinë e forcave policore.
