Parlamenti nuk arriti te marre asnjë vendim këtë te enjte, per shkak te situatës se tensionuar ne sallën e seancave plenare. Ky reagim i socialistit Braçe ndaj akuzave te ish-kryeministrit Berisha, per abuzime me një tender ne zonën e Divjakës, solli bllokimin e pare te Parlamentit, pasi demokratet u çuan ne këmbë dhe kreu i grupit Paloka tentoi te largoje nga foltorja deputetin socialist. Seanca u ndërpre per pak minuta, por me rifillimin e Parlamentit demokratet ishin serish ne këmbë duke kërkuar mbledhjen e byrosë per te marre vendim per te përjashtuar deputetin Braçe. Serish situata u konfliktua për shkak te demokratit Roland Keta. Me pas, kryetari i kuvendit Ilir Meta, ndërpreu serish seancën plenare e replikat mes deputeteve vazhduan para mediave jashtë ambienteve te sallës se seancës plenare.
Sali Berisha: Është po ky eksponent që ka një gjuhë prej rrugaçi, që kur denoncoja avionët thoshte se aty nuk ka rrugë, pra maskonte dhe mohonte pistën e avionëve të drogës sepse është i pudrosur. Është po ky, që me kokoneshin, pasi i dështoi flota ajrore u kthye tek laguna dhe vjedhin paratë e lagunës, kur ky që i shet tenderin për hesap të xhepit të vet me kokoneshin për 1 mln e 200 mijë dollarë më shtrenjtë.
Me pas, kryetari i kuvendit mblodhi byronë per te shqyrtuar kërkesën e PD per përjashtimin 10 dite nga parlamenti te deputetit Erjon Braçe si dhe për te shqyrtuar kërkesën e socialisteve per te përjashtuar 4 deputete te PD: Sali Berishen dhe Arben Ristani per fyerje dhe Edi Paloken e Roland Keten per dhune. Per shkak te situatës se krijuar, kreu i kuvendit Ilir Meta e shtyu seancën se bashku me projekt-ligjet e parashikuara ne rendin e ditës.
