Tentativa per grusht shteti ne Turqi, ka tensionuar raportet mes Ankarasë dhe Uashingtonit, pas pretendimeve te palës turke se pas tij qëndrojnë Shtetet e Bashkuara te Amerikës. Deklaratës se bere nga ministri turk i Punes, Sulejman Soylu, iu kundërpërgjigj ashper sekretari amerikan i Shtetit, John Kerry.
“Insinuatat publike ose pretendimet per ndonjë rol te SHBA ne tentaviten e dështuar per grusht shteti janë totalisht te rreme dhe te dëmshme per marrëdhëniet dypalëshe”, u shpreh Kerry. Presidenti Erdogan ka akuzuar klerikun turk qe jeton ne SHBA, Fet’hullah Gylen, si orkestrues te grushtit te shtetit dhe ka kerkuar ekstradimin e tij, duke argumentuar se Turqia ka ekstraduar shume te dyshuar per terrorizëm ne SHBA. Edhe ne funeralin e njerit prej viktimave pas përplasjeve me personat e përfshire ne grushtin e shteti ai përsëriti akuzat se kleriku Fetullah Gulen qëndron pas komplotit. Por shefi i diplomacisë amerikane e ka beret e qarte se Turqia duhet te paraqesë prova legjitime se Gylen është fajtor dhe SHBA do t’i shohin ato e do te gjykojnë siç duhet. Vete Gylen i ka mohuar akuzat, duke thene se dikush qe ka vujtur goditjet e shume grushteve te shtetit gjate pese dekadave te fundit nuk mund te akuzohet se ka lidhje me përpjekje te tilla. Zhvillimet e fundit ne Turqi sollën edhe ndalimin e sulmeve ajrore amerikane kundër Shtetit Islamik nga baza turke Incirlik. Ky vendim erdhi pas dyshimeve se disa trupa te ushtrisë turke te stacionuara ne kete baze kane mbështetur tentativën per grusht shteti. Per autoritetet ato ishin te verteta, pasi mes te arrestuarve është edhe komandanti i bazës. Gjenerali Bekir Ercan Van dhe 10 ushtare te tjere jane ndaluar si bashkëpunëtor ne PUÇ. Pentagoni njoftoi se pas ndërprerjes, sulmet kane rinisur.

Leave a Reply

Your email address will not be published.