Udhëheqësit e bashkimit europian dhe ata të ballkanit perëndimor u takuan këtë të mërkurë pasdite në bruksel, në një samit të fokusuar tek zgjerimi. Shqipëria është vlerësuar për arritjet e saj, sidomos në fushën e drejtësisë, por nuk ka një datë për hapjen e kapitujve të parë të negociatave. Problemi kryesor për Tiranën zyrtare është vetoja greke për çështjen “Beleri”. Në takimin që dy kryeministrat, Rama dhe Mitsotakis patën me njëri-tjetrin në Bruksel, u pa qartë tensioni mes tyre
Kjo gjë u pasqyrua sot edhe në mediat greke. Protothema në një artikull me titull “Mitsotakis pa Ramën në samitin e BE-së në Bruksel: Çështja Beleri është çështje respekti për shtetin e së drejtës”, e vë theksin tek vendosmëria e Athinës zyrtare për të mos bërë hapa pas, në rast se nuk lirohet nga qelia kryebashkiaku i zgjedhur i Himarës.
Lexo edhe :
Related Posts
“Për sa i përket procesit të anëtarësimit të Shqipërisë, qëndrimi i Greqisë është i qartë dhe i është shpjeguar palës shqiptare. Greqia nuk do të pranojë procesin e anëtarësimit nëse nuk ka përparim në çështjen e kryetarit të zgjedhur të Heimarrës Fredis Beleris.
Greqia pranoi dërgimin e letrës së BE-së në Tiranë për hapin e parë të nisjes së negociatave, por me kusht që në fazën tjetër të procesit të ketë një lëvizje të qartë që F. Beleris të marrë detyrën dhe të respektojë të drejtën e tij. për një gjykim të drejtë, si dhe prezumimin e pafajësisë. Përndryshe, Greqia nuk do të pranojë për fazat e ardhshme të procesit të anëtarësimit”, thuhet në artikullin e Protothema./vizionplus.tv
