Tension ne kryeqytetin maqedonas Shkup, ku mijëra njerëz protestojnë kundër Gjykatës Kushtetuese, e cila pritet te marre te mërkurën nje vendim per faljen e zyrtareve te përfshirë ne manipulime zgjedhore. Ne nje seance me dyer te mbyllura do te shqyrtohen ndryshimet e ligjit për amnistinë, në bazë të të cilit presidenti do të ketë të drejtë te falë personat qe akuzohen për krime zgjedhore. Ne proteste morën pjese përfaqësues te shoqërisë civile dhe te opozitës, mes te cilëve edhe lideri i LSDM, Zoran Zaev. Ata u mblodhën përpara qeverise per te vijuar drejt parlamentit dhe Gjykatës Kushtetuese per te ngritur çadra e per te qëndruar deri ne shpalljen e vendimit. Zaev deklaroi se protesta do te vijoje e qete dhe shpreson ne nje vendim te drejte te gjykatës. Me herët gjate ditës, përkrahës te partisë GROM, ne koalicion me VMRO-DPMNE e ish-kryeministrit Gruevski, mbajtën nje kundermiting ne mbrojtje te institucioneve te shtetit dhe ngritën tenda përpara Gjykatës. Forca te mëdha policore u vendosen pranë Urës së Gurit në qendër të Shkupit për të penguar konfrontimet mes protestuesve.
