Nis me një nga këngët më të bukura shqiptare.

 

E kjo është vetëm pak nga ato që zbulojmë në provat e fundit te salla e koncerteve në Katedralen Ortodokse, aty ku tenori grek Stavros Salabosolopulos do të flasë shqip me gjuhën e muzikës.

 

“Bashkë me Vikena Kamenicën do të sjellim në këtë koncert veprat më të mira shqiptare dhe greke. Nuk do të jetë një mbrëmje ku secili interpreton muzikën e vendit të vet, por edhe një bashkëpunim në duete, ku unë këndoj shqip e Vikena greqisht. Shpresoj që t’ju pëlqejë shqipja ime.”

 

Edhe pse me një numër të konsiderueshëm vendesh për spektatorët, biletat thuajse janë shitur. Por, koncerti që do të mbahet mbrëmjen e së enjtes në kryeqytet, do të rrugëtojë me të njëjtin program edhe në Vlorë, të premten.

Leave a Reply

Your email address will not be published. Required fields are marked *