Qeveria hodhi poshtë pretendimet e kreut te departamentit të rendit dhe sigurisë në partinë demokratike Enkelejd Alibeaj ne lidhje me abuzimet ne tenderin për uniformat e reja të policisë. Ne nje reagim te posaçëm te publikuar ne Transparenca.al, thuhet se drejtoria e policisë së shtetit ngriti një grup pune të posaçëm, i cili hartoi specifikimet teknike për uniformat e reja në bazë të vendimit te këshillit te ministrave. Qeveria sqaron se, tenderi ka qene transparent dhe te gjitha procedurat jane publikuat në faqen e agjencisë së prokurimit publik. Në garën për uniformat u paraqitën 4 ofertues. Fitues u shpall kompania me çmimin më të ulët, pa shkelur asnjë procedurë, dhe pa pasur asnjë ankesë nga firmat pjesëmarrëse në tender. “të gjitha faktet më sipër vërtetojnë se gara ishte e hapur dhe nuk ishte e paracaktuar, ndërkohë që kriteret përveçse u hartuan konform bazës ligjore, ishin të hapura për të gjitha kompanitë dhe për publikun”, sqarohet ne qëndrimin e qeverise te publikuar ne Transparenca.al.

Leave a Reply

Your email address will not be published.