Sulmuesi argjentinas do te kryeje vizitat mjekesore pasdite dhe do te nise aventuren ne France. PSG mund ta bleje kartonin e tij vitin e ardhshem per 70 mln euro!

Pritet vetëm zyrtarizimi, por mediat italiane dhe ato franceze e konsiderojnë të përfunduar marrëveshjen mes Inter dhe PSG për kalimin e Mauro Icardit në Francë.

Orët e fundit kanë qënë shumë intensive në këtë aks dhe duket se tratativave mes dy klubeve, vendimtare ka qënë 3edhe ndërhyrja e sulmuesit argjentinas dhe gruas së tij të cilën e ka edhe menaxhere, Wanda Nara. Kjo e fundit ndodhet në Paris për të mbyllur edhe detajet e fundit të kontratës së bashkëshortit të saj që prej muajsh ishte kthyer në një problem për Interin teksa ishte shpallur I padëshiruar nga presidenca por edhe nga trajneri Conte. Telenovela “Icardi” po mbyllet me një lëvizje që në fakt nuk është se ishte pritur shumë pasi prioritet për argjentinasin ishte qëndrimi në Itali. Por transferimi tek Juventus dhe Napoli nuk është realizuar kështu që Icardi ka gjetur sistemim gjetke.

Formula është e tillë, huazim njevjecar me të drejtë blerje nga PSG për 70 milion euro. Dakortësia e Interit në këtë rast ka pasur edhe një kusht, rinovimin e kontratës mes zikaltërve dhe Icardit deri në vitin 2022 cka do ta lejoje Interin që të mos e lëshojë me shifer të ulet kartonin e sulmuesit vitin e ardhshëm. Ndërkohe për PSG gjetja e një sulmuesi është parësore duke parë dëmtimet e Cavanit dhe Mbappe apo edhe dilemat e mëdha të Neymar.

Leave a Reply

Your email address will not be published.