Këtë të mërkurë, banorët e Teksasit janë zgjuar pa masat kufizuese që i detyronin qytetarët të mbanin maskë në ambiente të caktuara. Kështu, vendi jugor Amerikan, po bën realitet atë që guvernatori i shtetit me popullsi më të madhe në SHBA premtoi pak ditë ë parë. Heqja e maskave është një nga përpjekjet për të kthyer sa më parë situatën në normalitet. Politika të ngjashme ka ndjekur edhe Missisipi, ku janë marrë masa të përafërta në mënyrë që qytetarët dhe bizneset të rifitojnë lirinë e pakushtëzuar nga masat e kohëve të fundit.
Heqja e masave vjen pak kohë pasi Guvernatori Greg Abbott njoftoi uljen e rasteve me covid dhe një proges të ndjeshëm me procesin e vaksinimit. Këtë gjë e konfirmoi edhe Qendra për Kontrollin e Sëmundjeve, ku u raportua se, që nga e diela 18% e popullsisë amerikane kishte marrë të paktën një dozë të vaksinës.
Shumë qytetarë e përshëndetën me entuziazëm këtë vendim të marrë nga krerët e Teksasit. Ata shprehen se më në fund po u kthehet përsëri liria që u kishte munguar për një kohë të gjatë. Mirëpo, kishte edhe nga ata të cilët mendonin se heqja e kufizimeve ishte disi e nxituar dhe se masat duhet të ishin zgjatur më tepër.
Pas vënies në zbatim të urdhrit për heqjen e kufizimeve, Organizata Konservatore Hebreje Dallas, bëri të ditur se po planifikon organizimin e një mbrëmje me rreth 200 persona. Në këtë aktivitet do të mbahet një moment heshtjeje për të vdekurit e pandemisë, pije freskuese për të ftuarit dhe një zjarr në të cilin do të hidhen maskat në mënyrë për të simbolizuar lirinë e rifituar.
