Pajisja e Identifikimit Elektronik të votuesve u testua këtë të hënë edhe në Fier.
Komisioneri Shtetëror i Zgjedhjeve, Ilirjan Celibashi deklaroi në “Facebook” se përmes këtij procesi do të parandalohet votimi i më shumë se një herë dhe në emër të të tjerëve.
“📌Pajisja e Identifikimit Elektronik të zgjedhësve demonstrohet në Fier. Identifikimi elektronik i zgjedhësve parandalon votimin e shumëfishtë dhe votimin për llogari të personave të tjerë. Për të prezantuar mënyrën se si pajisja do të funksionojë në ditën e votimit, u simulua procesi i votimit. #PEI është i thjeshtë në përdorim për votuesit.”