Në homazhet e fundit për këngëtarin dhe kantautorin Françesk Radi, të mbajtura në hollin e RTSH-së, ka folur bashkëshortja e tij, spikerja Tefta Radi.
Duke mposhtur dhimbjen, Tefta i ka falenderuar të pranishmit për ngushëllimet dhe me fjalët e saj i ka përlotur të gjithë:
“Dua thjesht t’ju përshëndes, t’ju falënderoj për respektin ndaj Frankos. Dua të them se unë u dashurova me Frankon atëherë kur të tjerët kishin frikë t’i flisnin dhe prej tij u bëra kopje e tij, mësova si të dashuroj, si të punoj dhe si të kem dinjitet. Faleminderit të gjithëve për respektin!”- tha Tefta Radi.
Françesk Radi u nda nga jeta në moshën 67- vjeçare në Qendrën Spitalore “Nënë Tereza”, ku qëndroi në gjendje kome për një javë pasi pësoi një hemorragji cerebrale.
