Uniteti ne partine Republikane ishte ajo çka kërkoi kreu i dhomës se përfaqësuesve Paul Ryan ne konventën e tyre ne Ohajo, por Ted Cruz kandidati qe u rendit i dyti ne garën per Shtëpinë e Bardhe refuzoi te mbështesë rivalin e tij Donald Trump. Kjo mjaftoi per te shkaktuar zemërim mes mbështetësve te multimiliarderit, qe shpërthyen ne vërshëllima dhe thirrje “Duam Trumpin”.
“Dua te përgëzoj Donald Trumpin, qe fitoi kandidimin. Do t’ju lutesha te mos qëndronit ne shtëpi ne nëntor, por ngrihuni ne këmbe, flisni dhe votoni sipas ndërgjegjes suaj. Votoni per kandidatet qe doni, ata qe ju besoni se mbrojnë liritë tona dhe i qëndrojnë besnike Kushtetutës.”
Mbështetja Trump i erdhi nga guvernatori i Indianas, Mike Pence, i përzgjedhur prej tij per postin e zv/presidentit, i cili deklaroi se vendi ka vetëm nje zgjidhje ne nëntor. Trump do te mbaje kete te enjte nje fjalim ne konvente, qe do te fokusohet edhe ne politiken e jashtme amerikane. Ne nje interviste per “New York Times” ai ka vene ne dyshim mbështetjen qe do te ofroje SHBA per aleatet e saj ne NATO ne rast te nje agresioni rus ne rajonin e Baltikut, nëse do te zgjidhet president. Angazhimin amerikan ai e ka kushtëzuar me përmbushjen e detyrimeve prej vendeve anëtare.
