Presidenti turk Rexhep Taip Erdoan ka deklaruar se Akademia Kombëtare Ushtarake do të mbyllet dhe se ai do të jetë në krye të Agjencisë së Inteligjencies dhe ushtrisë. Këto komente Erdogan i ka bërë pas goditjeve të njëpasnjëshme ndaj ushtrisë, policisë, medias e punonjësve të arsimit në Turqi, si një përgjigje për tentativën e grushtin e shtetit me 15 korrik ku humbën jetën 246 persona.
“Ne do të prezantojmë një paketë me ndryshmet kushtetuese, ku do të vendosim Agjencinë Kombëtare të Inteligjencës dhe gjeneralin e përgjithshëm të ushtrisë nën kontrollin e presidentit”, – deklaroi Erdogan për mediat vendase.
Për të miratuar ndryshimet kushtetuese nevojiten 2/3 e votës në kuvend. Ndaj kreu i shtetit ka kërkuar votën pro këtyre ndryshimeve edhe nga opozita në Turqi. Në mes të këtij muaji Turqia u përfshi nga nje tentative per grusht shtetit për te cilin Ankaraja zyrtare akuzoi klerikun Fetullah Gylen. Ky i fundit ka mohuar se fshihet pas kësaj kryengritje, duke e cilësuar sulmin si një goditje antidemokratike.
