Dy persona ka humbur jetën dhe 11 të tjerë janë plagosur në një sulm me armë që ka ndodhur këtë të martë në Strasburg.
Sipas mediave ndërkombëtare ngjarja ka ndodhur pranë një tregu Krishtlindjeje, në një prej shesheve qendrore të qytetit, “Place Kleber”.
Ndërkohë ministria franceze e Brendshme konfirmoi një “ngjarje serioze të sigurisë publike” në Strasburg dhe u kërkoi banorëve të qëndronin në ambiente të mbyllura e të sigurta.
Të shtënat u dëgjuan në marketin e Krishtlindjeve në Strasburg, që vizitohet nga milionë turistë çdo vit.
Mediat e huaja raportojnë se mund të jetë një sulm terrorist, por akoma nuk ka asnjë konfirmim zyrtar.
