Të shtëna me armë zjarri janë regjistruar mbrëmjen e kaluar në fshatin Brataj të Vlorës.
Një 53-vjeçar në gjendje të dehur ka qëlluar në ajër. Sipas njoftimit zyrtar, 53-vjeçari ka qëlluar gjatë një konflikti me një person tjetër.
“Rreth orës 21:05, në fshatin Brataj, Selenicë, gjatë një konflikti për motive të dobëta me shtetasin K. L., dyshohet se shtetasi A. F., rreth 53 vjeç, në gjëndje të dehur, ka qëlluar me armë zjarri në ajër.
Nga verifikimet e bëra nga shërbimet e Policisë, nuk ka persona të dëmtuar. Janë ngritur pika kontrolli dhe vijon krehja e zonës për kapjen e autorit të dyshuar.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes”, thuhet në njoftim. /vizionplus.tv
