Një efektiv policie i repartit “Shqiponja” është plagosur me armë zjarri. Policia njofton se efektivët ishin në ndjekje të një personi të dyshimtë në momentin e ngjarjes. Të shtënat janë regjistruar tek Pediatria.
Policia njofton se është vënë në ndjekje të autorit, ndërsa efektivi i plagosur ndodhet nën kujdesin e mjekëve. Ende nuk dihen detaje mbi ngjarjen.
“Ndërsa Policia e Shtetit vijon kontrollin për personat në kërkim, një patrullë e repartit “Shqiponja” në ndjekje të një personi të dyshimtë është qëlluar nga ky person dhe për pasojë ka mbetur i plagosur punonjesi i policisë E.A. Punonjësi i Policisë është në sallën e operacionit ndërsa Policia është vënë në ndjekje të autorit”, njofton policia.
