Disa persona janë plagosur, mes tyre edhe 4 efektive policie si pasojë e të shtënave me armë zjarri në Aurora të Shteteve të Bashkuara të Amerikës.
Mediat amerikane raportojnë se fatmirësisht nuk bëhet fjalë për viktima. Të plagosurit ndërkohë janë dërguar në spitalin e zonës.
Autori i ngjarjes, identiteti i të cilit nuk është bërë ende i ditur për mediat, është arrestuar. Sipas raportimeve të para, autori i sulmit mendohet se është një punonjës pranë një kompanie.
Ngjarja ka ndodhur pranë një kompanie ne Aurora, ndërsa policia ka evakuar zonën.
Motivi i sulmit nuk dihet ende, ndërsa autoritetet po hetojnë për zbardhjen e plotë të ngjarjes. Shkollat dhe disa biznese janë mbyllur.
