Të shtëna me armë zjarri janë regjistruar mbrëmjen e kësaj të mërkure në Sukth. Policia njofton se autor i të shtënave është një 30-vjeçar. Ai dyshohet se ka kryer qitje të pavullnetshme dhe është larguar nga vendngjarja menjëherë.
“Rreth orës 19:20, në Katund Sukth, shtetasi R. T. dyshohet se ka kryer qitje të pavullnetshme, në tokë, me armë zjarri kallashnikov, dhe më pas është larguar menjëherë”, thuhet në njoftim.
Policia njofton se po punon për kapjen e 30-vjeçarit si dhe zbardhjen e plotë të rrethanave të ngjarjes.
