Një 32-vjeçar shqiptar është plagosur nga disa të shtëna me armë zjarri në Athinë. Mediat greke shkruajnë se e plagosur nga të shtënat ka mbetur dhe një 20-vjeçare greke.
Sipas të dhënave të para, 32-vjeçari shqiptar dyshohet të ketë qenë objektivi i sulmit me armë. I riu shqiptar rezulton me precedent penal në fushën e narkotikëve.
Nga ana tjetër, 20-vjeçarja greke ka deklaruar para autoriteteve se nuk njihet me shqiptarin e plagosur dhe se vendndodhja e njëjtë me të ishte rastësi.
E reja greke mësohet se ka marrë një plagë në këmbë, ndërsa 32-vjeçari në dorë. Gjendja e tyre shëndetësore raportohet jashtë rrezikut për jetën.
Policia greke po mbledh të dhëna nga kamerat e sigurisë për të identifikuar dhe rënë në gjurmët e autorit. Ky i fundit është larguar menjëherë pas ngjarjes.
