Gjykata e Durrësit ka caktuar masën e sigurisë “Arrest me burg” për disa persona të shpallur në kërkim që prej tërmetit të 26 Nëntorit.
Këtë të enjte gjykata dënoi me burg Flamur Gjuzin, ish-drejtori i ALUIZNIT Durrës, dhe ish-kandidat i LSI për deputet; Artur Celën, ish-drejtori i INUV; Artemis Malkon punonjës terreni në Kadastrën e Durrësit; Artur Terziun, pronari i “Bar Barons”’; Arben Qaton pronar i Vila Palma; Dëshira Qaton-shefe e urbanistikës në Kavajë (Gruaja e Arben Qatos); Aldo Dakovellin, shef sektori në Kadastrën e Durrësit si dhe Skerdiliad Bellon dhe Rasim Shehun.
Ata akuzohen për “Vrasje me dashje të kryer në mënyrë indirekte” dhe 7 persona në Tiranë të akuzuar për “Shpërdorim detyre” dhe “Falsifikim dokumentesh”.
Emrat e tyre ishin pjesë e urdhër-arresteve të prera në 13 dhjetor, kur policia arrestoi një sërë zyrtarësh në Durrës për shkak të dëmeve të tërmetit.
