Fenomeni i gjakmarrjes në shoqërinë shqiptare, është përmbajtja dhe mesazhi që trajtohet në filmin “Ana Tjetër”, premiera e të cilit u prezantua në Akademinë e Filmit dhe Multimedias Marubi.
Një ide dhe realizim I një grupi të rinjsh, maturantë të një shkolle në kryeqytet të cilët nisur nga fakti që gjakmarrja vazhdon të mbetet një plagë sociale në shoqëri, por veçanërisht tek brezi i ri guxuan duke realizuar një film me metrazh të shkurter.
Duke konsideruar anën tjetër të këtij fenomeni, duke mos u mjaftuar me trajtimin e viktimës, por duke analizuar dhe përjetuar botën shpirtërore të gjakësit, filmi ka për qëllim që të ndërgjegjësojë brezin e ri me vlerat e bukura jetës, me tolerancën dhe me besimin se te forca e të rinjve qëndron zgjidhja e shumë problemeve dhe plagëve të trashëguara nga e kaluara.
Skenari, regjia dhe i gjithë realizimi i filmit “Ana Tjetër” është kryer nga vetë të rinjtë të cilët madje kanë krijuar edhe një kompani te re filmike qe do te sherbeje per te tjera projekte ne te ardhmen.
Roli kryesor i filmit, Albani, u soll me mjaft profesionalizëm nga maturanti Endrionis Kolaj, ndërkohë që pjesëmarrja e veçantë e aktores dhe regjisores Suela Bako, e cila pranoi pa hezitim te ishte pjese e kastit, i dha filmit një vlerë të shtuar artistike.
