Banorët e Qafzezit refuzuan alternativën e ofruar nga Bashkia e Kolonjës për strehimin e tyre duke preferuar që të vazhdojnë të qëndrojnë në kontenierë.
Edhe pse stina e dimrit është shoqëruar me ulje të ndjeshme të temperaturave, banorët e Qafzezit të cilët prej tërmetit të 1 qershorit kanë humbur banesat e tyre, nuk pranojnë të lenë kontenierët ku janë duke jetuar aktualisht.
Bashkia e Kolonjës u ka ofruar mundësinë që ata të qëndrojnë në shtëpi me qera për një afat të pacaktuar deri në ndërtimin e shtëpive të tyre por banorët nuk e hohin të përshtatshme këtë zgjidhje
Banorët nuk e pranojnë këtë mundësi pasi sipas tyre u duhet të kujdesen për bagëtitë ndërsa shtëpitë me qera ndodhen pak më larg se kontenierët ndërsa edhe vetë pranojnë se jetesa në kontenierë është e vështirë.
Vetëm një prej familjeve të Qafzezit ka pranuar të lerë kontenierin dhe të strehohet në një shtëpi me qera në qytetin e Ersekës ndërsa 3 familje të tjera janë të vendosura të qëndrojnë aty.
