Kuvendi do të mblidhet në seancë ditën e mërkurë.
Ky ka qenë vendimi që mazhoranca ka marrë në mbledhjen e grupit që zhvilloi këtë të hënë.
Seanca do të nisë në orën 10:00 ndërsa pritet që të ketë dhe protestë nga ana e opzozitës.
Mësohet nga burime brenda grupit të PS se në seancën e të mërkurës Damian Gjiknuri do të propozohet si bashkëkryetar i reformës zgjedhore.
Ai do të zërë vendin e Blerina Gjylametit, ndërsa mazhoranca do të kërkojë gjithashtu shtyrje me tre muaj të afatit të Komisionit të Posaçëm të Reformës Zgjedhore.