Të mërkurën pjesa më e madhe e vendit me reshje bore

Vendi pritet të mbërthehet nga reshje dëbore ditën e mërkurë. Moti do të pësojë një ndryshim drastik duke nisur nga fillimi i javës, kur do të rikthehen temepraturat e ftohta.

Moti me diell do të vijojë deri të martën në mesditë, por më pas parashikohen reshje bore. Kjo për shkak të rënies së ndjeshme të temperaturave, që pritet të bien deri në minus 5 gradë Celcius.

Sipas meteorologëve, reshjet e borës do të jenë të fokusuara në pjesën më të madhe të territorit, kurse në Ultësirën Perëndimore do të ketë reshje shiu. Pas të mërkurës, situata pritet të normalizohet disi dhe temperaturat të pësojnë një rritje të lehtë.