Tre turistë anglezë janë shpëtuar nga forcat e policisë së Shkodrës këtë të hënë.
Turistët të cilët ishin duke eksploruar zonat turistike malore të Thethit, mbrëmjen e djeshme kanë humbur komunikimin mes tyre në zonën e quajtur Qafë Thore dhe kanë kërkuar ndihmën e Policisë
Sipas policisë tre turistët anglezë u gjetën në kushte të mira shëndetësore dhe momentalisht gjenden në fshatin Bogë, ku janë strehuar në bujtinë.
Në këtë operacion kanë marrë pjesë edhe banorët e zonës, të cilët janë sensibilizuar për tu ardhur në ndihmë turistëve që janë gjetur në vështirësi, për shkak të humbjes së rrugës apo kontakteve.
