“Të gjithë në shesh me Kristjanin”, qyteza në festë për takimin me Asllanin
“Të gjithë në shesh me Kristjanin”. Kështu nsi njoftimi i qytezës së Butit për banorët.
Me anë të një njoftimi në rrjetet sociale qytetza e Butit në zemër të Toskanës fton banorët që mbrëmjen e së premtes të dalin në shesh për të takuar djaloshin që dikur luante fuutboll nëpër rrugicat e qytettt.
Nga kohët kur gjuante topin në sheshin Garibaldi, tashmë nën ombrellën e kampionëve të Italisë në sezonin 2023-2024 dhe regjisor i kombëtares shqiptare në Euro 2024 në Gjermani.
Ka bërë shumë rrugë Kristjan Asllani ynë, por ka mbetur gjithmonë ai, i thjeshtë dhe i edukuar, i lidhur fort me Butin tonë, që do ta mirëpresë në sheshin Garibaldi të premten në orën 22:15, para se të nisë grumbullimin me Interin për sezonin e ardhshëm.
Ju presim të gjithëve, por të gjithëve ama…”, shkruhet në njoftimin e komunës së Butit.
I lindur në Elbasan, Kristjan Asllani u zhvendos në komunën e Butit kur ishte ende fëmijë dhe u rrit pikërisht aty, para se niste rrugëtimin drejt ëndrrës së madhe për t’u bërë futbollist i madh, fillimisht te të rinjtë e Empolit dhe më pas në skuadrën e parë toskane.
Në verën e 2022-shit Asllani u bashkua me Interin, ku në fundjavë do të nisë përgatitjet për sezonin e tretë radhazi me skuadrën zikaltër, ndërsa në verë shijoi edhe një eksperiencë mjaft të bukur në Euro 2024 me fanellën kuqezi të Shqipërisë.
