Subscribe

Gjykata e Krimeve të Rënda caktoi masat e arrestit më burg për 6 anëtarët e grupit të strukturuar kriminal, të cilët u arrestuan në operacionin e 1.5 tonëve hashash në Vilun të Velipojës.

 

Sëbashku me efektivin e policisë kufitare në Tiranë Enriko Zyla në burg do të qëndrojnë dhe Sokol Ujka, Arbër Bozhanaj, Genti Dano, Jaho Berdo dhe Dervish  Gjolekaj.

 

Nga ana tjetër policia çoi në 7 numrin e të arrestuarve. Në pranga ra 30 vjecari Gjovalin Ndoj, nga Lezha. Sipas bluve, ndalimi i tij u bë pasi dyshohet si bashkëpunëtor i të arrestuarve të tjerë, të cilët tentuan të transportojnë sasitë e mëdha të hashashit.

 

Operacioni i forcave speciale nisi me arrestimin e  efektivit 42 vjeçar Enriko Zyle.

 

Ai u kap në momentin kur drejtonte këtë makinë të mbushur me lëndë narkotike, ndërsa e transportonte tek gomonia në breg te detit.

 

Në oborrin e hotelit ku magazinohej hashashi, policia gjeti dhe disa automjete të tjera të mbushura me kanabis.

 

Në të njëjtën zonë me 4 qershor të këtij viti u zhvillua një tjetër operacion, i cili goditi një rrjet të trafikut të drogës nga Shqipëria në drejtim të Italisë. Laguna e Vilunit ka shërbyer edhe më parë si vend i nisjes së ngarkesave me lëndë narkotike nga Shqipëria në drejtim të Italisë.

 

 

 

Leave a Reply

Your email address will not be published. Required fields are marked *