«Të dua sa qielli e sa toka» Agron Llakaj dedikim emocionues…

Ai është një ndër figurat më të rëndësishme të humorit shqiptar, aq sa nuk do të ekzagjeronim aspak po të thonim që është një ndër themeluesit e tij këto vitet e fundit. Një jetë në skenë, një jetë pranë publikut të cilin e ka bërë për vete me humorin e tij, por edhe të qajë shpeshherë falë mjeshtërisë së paraqitjes së realiteteve paradoksale në të cilat jetojmë. Prej disa javësh Goni, siç e pëlqen ta thërasin, është shkëputur nga shtëpia e madhe e humorit ‘’Al Pazar’’ dhe po shijon pushimet së bashku me familjen. E duke u ndalur tek kjo e fundit, familjes Llakaj i është shtuar një tjetër pinjoll. Ai është bërë gjysh për herë të dytë, këtë radhë me një nip, të cilin e kanë pagëzuar me emrin Teos. Llakaj e ka ndarë këtë emocion të tij me ndjekësit në rrejetet sociale duke i bërë edhe një dedikim special nipit të sapolindur.
‘’Të dua sa qielli e sa toka’! Një këngë ninulle djepi që ja këndoja sime bije kur erdhi në këtë botë…, dhe asaj i pëlqente shumë…, dhe tim biri ja kendova…, dhe atij shumë i pëlqente…., e pas shumë vjetësh zoti më solli një princeshë, Adean…,edhe kësaj ja këndova, shumë i pëlqente dhe kësaj…., e sot po e rikëndoj duke të mbajtur ty në krahët e mi, Teos…, i ëmbli dhe i miri i gjysh Gonit! Mirë se erdhe mes nesh bir…, je i rrethuar me një mal dashurie! Zot! Falemnderit që na e zbukurove jetën!’-ka shkruar akori në ‘’Facebook.’’ /Living