Taylor Swift mund të flerë më e qetë, të paktën sot për sot, pasi një tjetër përndjekës i saj është arrestuar. Frank Andrew Hoover, 39 vjeç, u arrestua pasi kishte ndjekur Taylor dhe familjen e saj në përfundim të një koncerti gjatë Formula 1. Kur badigardet e vunë re dhe e pyetën se çfarë kërkonte, ai u përgjigj se po mundohej të bënte nje foto dhe mundësisht të shoqëronte Taylor kudo që ajo shkonte.
Incidenti shkelte një tjetër urdhër kufizues, i cili e ndalonte këtë person t’i afrohej këngëtares më shumë se 150 m. Hoover prej muajsh i dërgonte e-maile në mënyrë të vazhdueshme babait të Taylor, Scott Swift. Ai shkruante se: “ Zoti më tha të gjej këngëtaren, pa të unë do të mbetem gjithnjë i vetëm ndërsa ajo do të vazhdoj të përjetoj dështime e thyerje zemre, në marrëdhëniet romantike.” Pas incidenit mesazhet e Hoover u bënë kërcënuese, gjë që solli si pasojë edhe arrestimin e tij.
