Nis lirimi i hapësirave publike në plazhin e Durrësit. Në zbatim të legjislacionit në fuqi, që detyron ndarjen e plazheve, 80% stacione private dhe 20% publike, Task Forca e Turizmit, në bashkëpunim me prefekturën e qarkut ka ndërhyrë mëngjesin e kwsaj tw enjtjej për heqjen e çadrave në vijën e parë të plazhit tek Ura e Dajlanit,.

 

Në bashkëpunim me policinë bashkiake, ka nisur po ashtu edhe aksioni për lirimin e hapësirave të plazheve nga shitësit ambulantë.

 

Ministria bën me dije se Task Forca e Turizmit, e ngritur me urdhër të ministrit Blendi Klosi do të vijojë aksionin pa ndërprerje, për të garantuar: Ndarjen e plazheve sipas VKM-së për “Stacionet e Plazhit”, Garantimin e sigurisë së jetës së pushuesve; Ofrimin e shërbimeve të certifikuara, duke punësuar vrojtues të trajnuar; Sigurimin e higjienës në strukturat akomoduese dhe të qetësisë në plazhet publike dhe private.

 

Task Forca e Turizmit, e ngritur me urdhër të ministrit Klosi ka nisur punën në terren më datë 24 qershor dhe do të vijojë deri më datë 20 korrik, për të verifikuar kushtet e ligjshmërisë përgjatë gjithë vijës bregdetare dhe bregliqenore, në vend, nga veriu në jug.

 

Leave a Reply

Your email address will not be published. Required fields are marked *