Ambasadorët e 27 vendeve të Bashkimit Evropian mblidhen këtë të dielë për një takim urgjent për të diskutuar përgjigjen e tyre ndaj kërcënimit të SHBA-së për tarifa si përgjigje ndaj kundërshtimit për Grenlandën.
Që prej së shtunës, blloku ka paralajmëruar për një spirale të rrezikshme pas zotimit të presidentit amerikan, Donald Trump për tarifa gjithnjë e në rritje ndaj aleatëve evropianë, derisa SHBA-së të marrë Grenlandën.
Në një postim në Truth Social, Trump tha se tarifa shtesë prej 10% për importet do të hyjnë në fuqi më 1 shkurt për mallrat nga Danimarka, Norvegjia, Suedia, Franca, Gjermania, Holanda, Finlanda dhe Britania e Madhe.
Këto tarifa do të rriten në 25% në 1 qershor dhe do të vazhdojnë derisa të arrihet një marrëveshje që SHBA-ja të blejë Grenlandën, shkroi Trump, duke nxitur një reagim nga BE-ja.
“Tarifat do të minonin marrëdhëniet transatlantike dhe do të rrezikonin një spirale të rrezikshme. Evropa do të mbetet e bashkuar, e koordinuar dhe e përkushtuar për të mbrojtur sovranitetin e saj”, tha Ursula Von der Layen.
Diplomatja kryesore e bllokut, Kaja Kallas, tha se tarifat do të dëmtonin prosperitetin në të dy anët e Atlantikut, ndërsa do ta shpërqendronin BE-në nga detyra e saj kryesore për t’i dhënë fund luftës së Rusisë në Ukrainë dhe do të kënaqte Kinën e Rusinë.Tarifat e Trump vijnë vetëm disa ditë pasi këto vende europioane dërguan në Groenlandër personel ushtarak për t’u përgatitur për stërvitje të ardhshme në Arktik.Ndërkohë, mijëra njerëz kanë dalë në protesta në Danimarkë dhe Groenlandë për të kundërshtuar qëllimet e preisdnetit amerikan i cili kan thënë se do ta marë terriotorin me çdo kusht./vizionplus.tv
