Ndërkohe kreu i Partisë Demokratike Lulzim Basha e konsideron një grabitje të dyfishtë të shqiptarëve, taksën e re për Rrugën e Kombit. Në një reagim në facebook, lideri i opozitës akuzon kryeministrin Rama se ka vendosur një tarifë aspak të nevojshme në një kohë kur sapo ka rritur taksën e qarkullimit të automjeteve me 24 lekë për litër karburanti.
Sipas kryedemokratit Shqipëria ka përfituar direkt dhe indirekt rreth 300 milionë euro ne vit, te ardhura që mund të përballojnë nevojat për mirëmbajtje të të gjithë rrjetit rrugor shqiptar. “Ky akt kriminal dëmton edhe ekonominë e Shqipërisë, duke rritur koston per shërbimet dhe produktet e duke marr nga xhepat e shqiptareve plot 120 milionë dollarë ne vit”, shkruan Basha në reagimin e tij.
