Takimi Obama-Merkel

Gjermania është ndalesa e fundit evropiane ne turneun e lamtumirës se presidentit amerikan ne ikje Barack Obama. Qe prej mbrëmjes te se mërkurës, ai ndodhet ne Berlin, ku pati nje darke private me kancelaren Angela Merkel, me te cilën zhvillon sot nje takim zyrtar dhe nje konference te përbashkët per shtyp. Bisedimet do te përqendrohen ne disa çështje te rëndësishme si kriza siriane, apo situata ne Ukraine, por edhe tek raportet qe do te kete Gjermania me presidencën e re republikane te Donald Trump, pas aleancës se forte qe dy vendet paten gjate 8 viteve te fundit. Gjermania dhe SHBA kane kërkuar shtimin e sanksioneve ekonomike per Mosken, per shkak te rolit te saj ne krizen ukrainase dhe tashme pritet te shihet qëndrimi i Trump, i cili ka shprehur vlerësime per presidentin Putin. Pas fitores se republikanit, Merkel tha se ishte e angazhuar te bashkëpunonte me te, bazuar ne vlerat e përbashkëta te demokracisë qe ndajnë. Ditën e premte, Obama do te takoje liderët e Francës, Italisë, Spanjës dhe Britanisë per te diskutuar marrëdhëniet trans-atlantike. Ai u jep fund vizitave si president me ndalesën ne Peru.