Takimi me Trump, Macron: Paqja për Ukrainën nuk duhet të nënkuptojë një armëpushim pa garanci

Presidenti francez Emmanuel Macron në një deklaratë për mediat tha se ai dhe Presidenti Donald Trump bënë hapa thelbësorë përpara gjatë takimit të tyre të sotëm.

Presidenti theksoi dëshirën e tyre të përbashkët për të ndërtuar paqen, por duke paralajmëruar se nuk do të ndodhë nëse Ukraina detyrohet të dorëzohet.

“Kjo paqe nuk duhet të nënkuptojë një dorëzim të Ukrainës. Nuk duhet të nënkuptojë një armëpushim pa garanci. Kjo paqe duhet të lejojë sovranitetin ukrainas dhe të lejojë Ukrainën të negociojë me palët e tjera të interesit”, tha Macron në një konferencë të përbashkët shtypi me Trump në Shtëpinë e Bardhë.