Mbyllet takimi i parë mes përfaqësuesit të opozitës Oerd Bylykbashi dhe atij të qeverisë Taulant Balla, i cili konsiderohet si hapi i parë për uljen e palëve në dialog me qëllim zgjidhjen e krizës politike.
Sikurse bëhet me dije, zoti Bylykbashi dhe Balla kanë prezantuar qëndrimet e të dyja palëve.
Bylykbashi është shprehur së Partia Demokratike kërkon një qeveri teknike me qëllim organizimin e zgjedhjeve të lira dhe të ndershme, ndërsa negociatori i PS-së Balla ripërsëriti qëndrimin e qeverisë për dialog, por pa kushte.
E përbashkëta e të dy negociatorëve ka qenë fjala dialog, pasi palët nuk kanë lëvizur nga pozicionet e tyre.
Megjithatë ky takim shihet si një hap pozitiv që mund ti paraprijë takimit në nivel më të lartë, pikërisht me kryeministrit Edi Rama dhe kryedemokratit Lulzim Basha.