Ka përfunduar takimi për rreth 30 minuta i presidentit Ilir Meta me aleatët e Partisë Demokratike, ku bëhet me dije se temë ka qenë data e re e zgjedhjeve pas çdekretimit të 30 Qershorit.

 

Kryetari i LZHK-së, Dashamir Shehi në fjalën e tij pas takimit është shprehur se ishte një hap i vogël, por në drejtimin e duhur.

 

“Qe një takim shumë miqësor dhe sipas tezës së presidenti, u munduam që të sqarojmë këtë situatë. E falënderuam për këtë që ka bërë për zgjidhjen e krizës, por gjykojnë se si takimi i parë në këtë situatë kaq të rëndë, idetë janë të përgjithshme. Aksioni opozitar nuk mund të reduktohet. Dita e zgjedhjeve duhet të jetë derivat i një analize tjetër, çfarë duhet të bëjmë që zgjedhjet të jenë të pranueshme.  Mundësia e një marrëveshje politike, që të merren në konsideratë kërkesat e opozitës. Është bërë një hap i vogël në rrugën e duhur. Data do të dalë nga marrëveshja politike.Jemi më afër një marrëveshjeje politike, nëse pala tjetër do vijojë me pretendimin se do bëhen zgjedhjen me datë 30 do bëhemi gati për aksione të tjera, rrethana të tjera”.

Leave a Reply

Your email address will not be published.