Prej ores 10.00 në Kretë ka nisur dita e dytë e bisedimeve mes Shqipërisë dhe Greqisë për çështjet e mbetura të pazgjidhura mes dy vendeve tona.
Dy homologet Ditmir Bushati e Niko Kotzias të shoqëruar nga stafet respektive kanë qendruar përreth 12 orë gjatë së premtes duke diskutuar të gjithë problematikën mes Athinës e Tiranës zyrtare. Shefat e diplomacive kanë rënë dakord që do të shmangin kontaktet me median përgjatë gjithë kohës që zgjasin bisedimet dhe ende nuk dihet nëse dita e parë e diskutimeve ka pasur apo jo ndonjë rezultat konkret.
Mësohet se gjatë së premtes Bushati e Kotzias kanë diskutuar rreth cështjeve konsullore që përfshin nga lëshimi i dokumentave për emigrantet, tek njohja e patentave apo edhe e kontributeve shoqërore.
Por bisedimet mes dy palëve do të përfshijnë edhe çështje të tjera si rinovimi i traktatit të fqinjësisë, heqja e ligjit te luftës, pala shqiptare do te ngrejë çështjen çame; ndërkohe që dihet se interesi me i madh i Greqisë qendron tek dy marrëveshjet e firmosura nga qeveria Berisha; ajo për kufirin detar e rrëzuar nga Gjykata Kushtetuese dhe marrevëshja për varrezat greke.
Në përfundim të bisedimeve pritet që Ministri Jashtëm shqiptar Bushati dhe ai grek Kotzias të dalin me një deklaratë para medias.
