Ministra të brendshem të Bashkimit Evropian dhe Ballkanit Perëndimor janë mbledhur për herë të parë në Tiranë në kuadër të procesit të Berlinit.
Tre çështjet për të cilat ministrat e brendshem po diskutojnë janë lufta e përbashkët kundër krimit të organizuar, menaxhimit të integruar të kufijve dhe emigracionit të paligjshëm.
Në tryezën e përbashkët, nga Bashkimi Evropian u kërkuan rezultate të prekshme në luftën kundër korrupsionit dhe krimit të organizuar nga vendet e Ballkanit para anëtarësimit.
Në mbyllje të punimeve ministrat e brendshëm të BE dhe Ballkanit do të kenë një deklaratë të përbashkët mbi vendimet e marra.
Ministeriali i prin samitit të procesit të Berlinit.
Për të parën herë ai do të mbahet në Shqipëri, në një vend të Ballkanit Perëndimor, në 16 tetor në Tiranë.