Takim Merkel – Hollande – Renzi

Fluksi i emigrantëve nga vendet në krizë, terrorizmi dhe marrëdhëniet me Turqinë, janë fokus të takimit trepalësh mes kancelares gjermane Angela Merkel, presidentit Fransua Holond dhe kryeministrit italian Mateo Renzi në Napoli. Tre liderët evropianë mbajnë këtë darkë pune për të koordinuar qëndrimet e tyre, para samitit informal të 27 vendeve të unionit të Bratisllavë, pas daljes së Britanisë së Madhe. Problemi i parë dhe më i rëndësishëm është plani i ri për emigrantët, pasi tashmë që marrëdhëniet me Turqinë janë ftohur është vënë në pikëpyetje marrëveshja në fuqi ku Ankaraja Zyrtare, ka marrë përsipër strehimin e refugjatëve. Rikthimi i këtij fluksi do të hapte një problem edhe më të madhe për shkak se me prurjet e emigrantëve sjellin rritjen potenciale te rrezikut nga terrorizimi. Për këtë arsye, Italia propozon një marrëveshje për të forcuar sistemin e sigurisë dhe të mbrojtjes, sidomos në vendet shengen. Çështja e tretë është ekonomia. Presidenti Holond dëshiron një dyfishim të frontit për planin Junker, për t’i dhënë një impuls të ri ekonomisë, por Berlini zyrtar është ende skeptik për efektet që mund të ketë injektimi i fondeve të reja pak vite pas krizës.