Ndërsa disa vende te Ballkanit kane mbyllur kufijtë për emigrantët, çka mund të sjellë devijim të kalimit të tyre në Shqipëri, ministri i brendshëm Tahiri ka thënë se Tirana zyrtare është e përgatitur. Në një intervistë për portalin e lajmeve “New europe” Sajmir Tahiri, deklaroi se Shqipëria e shikon këtë krizë si një sfide, jo të një apo dy shteteve siç ka ndodhur me Greqinë e Italinë, por të gjitha vendeve të unionit. Për këtë arsye vijoi Tahiri, edhe përgjigja ndaj këtij fluksi duhet të marrë angazhimin e të gjitha vendeve, duke nënkuptuar se dhe Shqipëria do të jetë pjesë e përballimit te kësaj krize.
