Akuzave te ditëve të fundit për ekzistencën e një pajisje përgjimi në Policinë e Shtetit, ministri i Brendshëm Saimir Tahiri i është përgjigjur me një mohim në mënyrë kategorike.
“Policia nuk disponon as nuk ka disponuar një pajisje të tillë se nuk i lejohet. Policia bashkë me partnerët nuk ka punuar dhe s’do punojë me një pajisje të tillë pasi është e jashtëligjshme.”
Në një dalje për mediat, Tahiri tha se të gjitha janë akuzat e bëra nga selia blu nuk kanë asnjë bazë për pajisjen e përgjimit, pasi bëhet fjalë për një trajnim me disa nga vendet e Europës dhe konkretisht me Italinë, sipas një marrëveshjeje te firmosur në vitin 2007. Lidhur me rastin e Klement Balilit, i cili nuk po gjendet nga policia, Tahiri tha se duhet pyetur prokuroria.
“I bashkohem Ylli Manjanit për këtë, pyesni Prokurorinë”.
Në fund ministri i Brendshëm theksoi se është i gatshëm të jetë i pranishëm ne Komisionin e Sigurisë vetëm nëse merr një ftesë zyrtare.
