Tabaku: Veliaj t’u jap zgjidhje kërkesave të banorëve të Bregut të Lumit
Deputetja e PD, Jorida Tabaku i ka bërë thirrje kryebashkiakut Veliaj që t’i japë zgjidhje situatës së banorëve të Bregut të Lumit.
Në një deklaratë për mediat, Tabaku teksa iu bashkua protestës së banorëve në orën 16:00 deklaroi se Veliaj nuk duhet të fshihet më por t’I japë zgjidhje kërkesave të ligjshme të banorëve të Bregut të Lumit.
“Sot në Ditën e Rinisë, në ditën simbol të 8 dhjetorit, në ditën simbol të demokracisë, këta njerëz vazhdojnë të protestojnë edhe pas 28 vitesh për një të drejtë themelore që është e drejta e pronës. I bëj thirrje edhe njëherë qeverisë që të vijë të dëgjojë kërkesat e tyre të ligjshme. U bëj thirrje të gjithë atyre deputetëve të Partisë Socialiste që kanë ardhur dhe ju kanë premtuar se do ta vlerësojnë pronën e tyre. I bëj thirrje kryetarit të bashkisë të mos fshihet, por të vijë të ballafaqohet këtu me premtimet e tij.”
Tabaku I bëri thirrje Veliajt dhe qeverisë që të nxjerrin VKM-në që dhe këto familje të trajtohen ashtu si familjet e tjera të projektit të Bulevardit.
Tabaku tha se këta banorë do të vazhdojnë të protestojnë deri kur prona e tyre të jetë e mbrojtur.
Ajo deklaroi se opozita do të jetë në krah të tyre, çdo ditë, derisa e drejta e tyre të fitojë.
