Real, Celta, Levante, Numancia dhe Leganes ishin 5 skuadrat qe prenë biletat per ne raundin e 1/8-ve te Kupës se Mbretit ne Spanje. Edhe pse kishte fituar sfidën e pare 2-0, skuadra e Zinedin Zidan nuk e pati aspak te lehte ne ndeshjen e kthimit kur nuk shkoi me shume se barazimi 2-2 ne Santiago Bernabeu ne derbin madrilen ndaj Fuenlabrada.
Një ndeshje me mjaft emocione ajo e transmetuar ne platformën Tring, me skuadrën e kategorisë se trete, e cila i beri oponence deri ne fund ata qe per me tepër mbajnë trofeun e kampioneve ne fuqi te Europes. Ne ate qe mund te quhej si një ndeshje stërvitore, te zotet e shtëpisë u befasuan ne minutën e 25 kur pas nje aksioni te nisur nga nje goditje këndi, ishte Luis Milla qe me nje gjuajtje mjeshtërore mposhti Kejlor Navas, duke kaluar ne avantazh Fuenlabrada.
Vendasit rriten presionin ne kërkim te barazimit te shifrave, por miqtë arritën ti bënin balle çdo aksioni, duke e mbyllur pjesën e pare me rezultatin 0-1. Ndryshim marshi ne pjesën e dyte per Realin e Madridit i cili futi ne loje edhe Gareth Bale qe i mungonte skuadrës qe nga 26 shtatori. Por përsëri blutë kërkuan te bënin surprizën e madhe, duke pasur dy raste te pabesueshme fillimisht me Ismael Athuman gjuajta e te cilit u devijua nga Kejlor Navas dhe Cata Diaz, i cili preku traversën.
Gjithsesi ne minutën e 62 uellsiani Bale dhuroi nje top te Borha Majoral, i cili me koke mposhti portierin kundërshtar. 8 minuta me vone skuadra e kategorisë se trete u detyrua te nxirrte përsëri topin nga rrjeta kur i njëjti lojtar Borha Majoral kaloi per here te pare ne avantazh Realin, duke përfunduar aksionin e Gareth Bale. Ne minutën e 89 ne nje ndeshje krenarie, Fuenlabrada barazoi shifrat me Alvaro Portilla me rezultatin përfundimtar 2-2, shifrat ne fakt qe favorizuan Realin per te vazhduar me tej ne Kupën e Mbretit.
Ne takimin tjetër Celta Vigo arriti nje tjetër fitore ndaj Eibar, ketë here vetëm ne fund 1-0 me nje gol te Iago Aspas nga pika e bardhe e penaltisë. Levante barazoi me Xhirona 1-1, por preu biletën fale fitores ne takimin e pare. Malaga u eliminua nga Kupa e Mbretit pas barazimit ne shtëpi 1-1 me Numancia qe kishte fituar 2-1 ne takimin e pare.
Ndërkohe Leganes mundi 1-0 Vajadalid. Takimet e kthimit te Kupës se Mbretit vazhdojnë sonte ne Tring me te tjera sfida emocionuese.
