Dy persona të maskuar kanë vjedhur një supermarket mbrëmjen e së enjtes në Elbasan.
Ngjarja ka ndodhur gjatë mesnatës në lagjen 5 Maji, ku bëhet me dije se personat e maskuar kanë hapur me forcë derën e supermarketit dhe kanë arritur të marrin nga kasaforta rreth 200 mijë lekë të reja, të cilat ishin grumbulluar nga xhiroja ditore e supermarketit.
Sipas pamjeve nga kamerat e sigurisë duken dy persona, njëri prej të cilëve me kapele dhe tjetri me kapuç, të cilët hapin me forcë derën e supermarketit, dhe për afro dy minuta kryejnë vjedhjen dhe largohen njëri pas tjetrit.
Ndërkohë policia po punon për zbardhjen e plotë të ngjarjes dheidentifikimin e autorëve.
