Skënderbeu në javën e gjashtë të kampionatit do të udhëtojë drejt Shkodrës ku do të përballet me Vllazninë në një sfidë ku do kërkojë fitoren.
Kapiteni bardhekuqëve, Bruno Dita në konferencën për shtyp deklaroi se ekipi do të bëjë maksimumin me qëllim marrjen e një rezultati pozitiv.
“Ndeshja do të jetë e vështirë por ne do kërkojmë të marim maksimumin e rezultatit. Ekipi po rritet nga java në javë dhe ne duke qënë në një moment të mirë pas fitores me Teutën do kërkojmë të mbajmë ritmin”, tha Dita.
I ardhur te Skënderbeu rreth dy sezone e gjysëm më parë si alternativë, Bruno Dita po mban shirtin e kapitenit edhe për shkak të dëmtimit të Gjergj Muzakës.
Ai e konsideron këtë si një përgjegjësi të madhe për administrimin e lojës së vetes por edhe të ekipit.
