Panxhari i zier ka padyshim një vend në sallatat e vjeshtës. Madje mund të themi se është përfshirë edhe ndër perimet e preferuara, falë aromës së ëmbël.
Përveç kësaj, panxhari gjithashtu kontribuon ndjeshëm në mbrojtjen e zemrës dhe inflamacionit, për shkak të antioksidantëve që përmbajnë.
Panxhari – si dhe ushqime të tjera si marule, spinaqi dhe selino – është i pasur me nitrate inorganike, të cilat, me ndihmën e baktereve në zgavrën e gojës, shndërrohen në oksid nitrik, i cili ndihmon në rregullimin e enëve të gjakut dhe neurotransmetimin.
Me plakjen, prodhimi i oksidit nitrik zvogëlohet, me uljet përkatëse që kontribuojnë në shëndetin më të dobët vaskular (enët e gjakut) dhe njohës (trurit).
Prandaj, duke pirë shpesh lëng panxhari, ju e përmirësoni këtë prodhim, ndërsa ulni edhe presionin e gjakut.
Studime të shumta kanë trajtuar kontributin e lëngut të panxharit ose panxharit të plotë në shëndetin kardiovaskular.
Nivelet e baktereve të lidhura me shëndetin e mirë vaskular dhe njohës ishin më të larta, ndërsa presioni sistolik i gjakut u ul mesatarisht me pesë njësi (mmHg) pas konsumimit të lëngut të panxharit.
Një studim tjetër ekzaminoi efektin e pirjes së 250 ml lëng panxhari në ditë te 68 persona me hipertension. Ajo që studiuesit zbuluan ishte se ky zakon i përditshëm mund të reduktonte në mënyrë drastike presionin e gjakut.
