Sulmi i pak ditëve më parë pranë autobusit të skuadrës së Borusias së Dortmundit nuk kishte sfond islamik. Policia gjermane arrestoi një 28-vjeçar, që mbante edhe shtetësinë ruse, që pranoi se e kishte kryer sulmin për qëllime përfitimi. Fillimisht u hetua pas nje denoncimi te nje punonjësi bankar, i cili kishte dyshuar te nje transaksion per blerje aksionesh negative.
Ky është nje fenomen i njohur ne bursa kur luhet me fitimin nga rënia e aksioneve te nje kompanie. Duke ndjekur origjinën e transaksionit hetuesit zbuluan se ai ishte realizuar nga nje kompjuter ne hotelin e skuadrës. Aty kishin pyetur personelin dhe rezultoi se personi ne fjale ne momentin e shpërthimit kishte shkuar ne restorant te hante darke, kur te tjerët vraponin ne panik.
Ai kishte fituar plot 3.4 milionë euro nga rënia e aksioneve te klubit gjerman ne burse. Fatmirësisht, shpërthimi i ndodhur pranë autobusit nuk shkaktoi viktima, por vetëm lëndimin e futbollistit Marc Bartra. Policia ka shpallur dy ruse ne kërkim per ndihme ndaj autorit pasi kane transportuar me nje makine te marre me qira bombat ne vendin e ngjarjes.
